मराठीचे बोलावे कौतुके

A2Z ONLINE GK for UPSC, MPSC, UPPSC, GPSC, MPPSC, KPSC, APPSC, BPSC, and other government exams.

मराठी भाषा ही भारतीय राज्यघटनेतील 22 घटनात्मक भाषांपैकी एक आहे.  मराठी भाषा ही महाराष्ट्राची राजभाषा आणि गोवा राज्याची दुसरी अधिकृत भाषा आहे.  2011 च्या जनगणनेनुसार, लोकसंख्येनुसार मराठी ही हिंदी आणि बंगाली भाषांनंतर भारतात तिसऱ्या क्रमांकावर आहे आणि ती सुमारे 9 कोटी लोकांची मातृभाषा आहे. 

मराठी भाषा प्रामुख्याने महाराष्ट्रात बोलली जाते.  महाराष्ट्रासह गोवा, उत्तर कर्नाटक (बेळगाव, हुबळी, धारवाड, बिदर, गुलबर्गा, कारवार), दक्षिण गुजरात (सुरत, वडोदरा, अहमदाबाद), मध्य प्रदेश (इंदूर, ग्वाल्हेर), छत्तीसगड, आंध्र प्रदेश (हैदराबाद), तामिळनाडू (तंजावर), येथे बोलली जाते. मराठी भाषिक लोक जगातील 72 देशांमध्ये राहतात, प्रामुख्याने फिजी, मॉरिशस आणि इस्रायल. जगभरात पसरलेल्या मराठी लोकांमुळे युनायटेड स्टेट्स ऑफ अमेरिका, संयुक्त अरब अमिराती, दक्षिण आफ्रिका, पाकिस्तान, सिंगापूर, जर्मनी, युनायटेड किंगडम, ऑस्ट्रेलिया, न्यूझीलंड येथे मराठी भाषा बोलली जाते.

दरवर्षी १ मे हा दिवस महाराष्ट्र दिन किंवा मराठी राजभाषा दिन म्हणून साजरा केला जातो.  तसेच 27 फेब्रुवारी हा दिवस मराठी भाषा गौरव दिन म्हणून साजरा केला जातो. 

आजपर्यंत वि.सा.खांडेकर, वि.वा.शिरवाडकर (कुसुमाग्रज), विंदा करंदीकर आणि भालचंद्र नेमाडे यांना त्यांच्या मराठी साहित्यासाठी ज्ञानपीठ पुरस्कार मिळाला आहे.